INSONNING PSIXOLOGIK RIVOJLANISHIDA KITOB OʻQISHNING AHAMIYATI

Abstract

Insonning psixologik rivojlanishi murakkab jarayon bo‘lib, uning shakllanishi va taraqqiyotida turli omillar ta'sir o‘tkazadi. Kitob o‘qish, bu jarayonda eng muhim vositalardan biri hisoblanadi. Ushbu maqolada kitob o‘qishning inson psixologiyasiga, uning kognitiv, emotsional, axloqiy va ijtimoiy rivojlanishiga ta'siri chuqur tahlil qilinadi. Kitoblar o‘qish orqali shaxslar nafaqat bilim va dunyoqarashni kengaytiradilar, balki o‘z hissiyotlarini tushunish, boshqalar bilan ijtimoiy munosabatlar o‘rnatish, axloqiy va moral qadriyatlarni shakllantirishda muhim rol o‘ynaydi. Maqolada kitob o‘qishning o‘quvchilar va yoshlar psixologiyasiga qanday ta’sir ko‘rsatishini tushunishga yordam beradigan metodologik yondashuvlar, tadqiqotlar va amaliy natijalar keltirilgan. Shuningdek, kitob o‘qishning kognitiv va emotsional rivojlanishga ijobiy ta’sirini, uning ijtimoiy va axloqiy ta’sirini o‘rganishga doir metodologik asoslar taqdim etiladi. Tadqiqotda O‘zbek adabiyotidan ham foydalanilgan, bu adabiyotlarning shaxsiyatni shakllantirishdagi roli alohida ta'kidlangan. Kitob o‘qishning psixologik rivojlanishga ijobiy ta'siri, stressni boshqarish, emotsional va kognitiv salohiyatni oshirish kabi natijalar muhokama qilinadi.