BOSHLANG’ICH SINF O’QUVCHILARIDA XORIJIY TILNI O’RGATISHDA SO’ZLARNI YODLASH METODIKASINI ZAMONAVIY MULTIMEDIA VOSITASI ASOSIDA TAKOMILLASHTIRISH ( INGLIZ TILI MISOLIDA).

Abstract

Ushbu maqolada boshlang'ich sinf o'quvchilarida xorijiy tilni o'rgatishda, ayniqsa ingliz tilini o'rgatishda, so'zlarni yodlash metodikasini zamonaviy multimedia vositalari asosida takomillashtirish muhokama qilinadi. Maqolada multimedia vositalarining o'quvchilarga so'zlarni o'rganishda qanday yordam berishi, ularning afzalliklari va samarali qo'llanilish usullari batafsil tahlil etilgan. Audio va video materiallar, biz ishlab chiqgan mobil interaktiv o'yinlar va mobil ilova orqali yangi so'zlarni o'rganish jarayoni yanada qiziqarli va samarali bo'lishi mumkinligi ta'kidlanadi. Shuningdek, takrorlash va o'quvchilarning qiziqishlarini inobatga olish kabi metodikalarni qo'llashning muhimligi haqida so'z boradi. Maqola, ingliz tilini o'rgatishda multimedia texnologiyalaridan samarali foydalanishning ahamiyatini ko'rsatadi, bunda 32 nafar 73-maktabning 3-4- sinf o’quvchilari to’garak jarayonlarida ishtirok etdi. 3 oy mobaynida o’tkazilgan tajriba sinov yakunida 16 nafar tajriba guruh o’quvchilarining, 16 nafari so’rovnoma test yakuniy natijasiga ko’ra har biri 200 dan ziyod ingliz tilida so’z yodlagani va bu yondashuv o'quvchilarning til o'rganish jarayonini sezilarli darajada yaxshilashiga yordam berishini ta'kidlaydi. O’rtacha nazorat guruhida 15.37 % bo’lsa, tajriba guruhida 187.5% ga yetgani ijobiy xolatni ko’rishimiz mumkin.